Almatyda Ashyq-qa qatyspaıtyn nysandarda is-sharalar ótkizýge tyıym salyndy

ALMATY. QazAqparat - Asa juqpaly «omıkron» shtamy álemde taralyp jatyr. Bul týraly brıfıng barysynda Almatynyń bas sanıtarlyq dárigeri Jandarbek Bekshın aıtty, dep habarlaıdy QazAqparat tilshisi.

Onyń aıtýynsha, jańa shtamm keńinen taralyp jatyr, búginde 52 elden anyqtaldy.

«Álemdegi epıdemıologııalyq ahýal nasharlaýda, qatań karantın rejımi engizilýde. Dúnıejúzilik densaýlyq saqtaý uıymynyń málimetteri boıynsha, jastar, sondaı-aq balalar vaktsınalanbaǵandyqtan, «omıkrondy» jıi juqtyrady. Biz ınfektsııanyń taralýyna jol bermeý úshin sharalar qabyldaýymyz kerek. Bizge 20-30 jas aralyǵyndaǵy jastardy vaktsınalaýdy jedeldetý, revaktsınatsııany jalǵastyrý jáne aldaǵy merekelerde buqaralyq is-sharalardy ótkizýdi shekteý qajet», - deıdi Jandarbek Bekshın.

Sonymen qatar, ol «omıkron» «delta» shtamyna qaraǵanda eki ese tez taralýy múmkin ekenin aıtyp ótti. Almatylyqtarǵa qoǵamdyq oryndarǵa barmaýǵa jáne Jańa jyl merekesin otbasylyq ortada atap ótýdi usyndy.

Jandarbek Bekshın QR Bas memlekettik sanıtarlyq dárigeriniń 20 qazandaǵy №47 qaýlysymen saltanatty, estelik, otbasylyq is-sharalardy (banketter, úılený toılary, mereıtoılar) Ashyq jobasyna qatysýshy obektilerde 50% aspaıtyn, biraq árqaısysynda «jasyl» mártebesi bar 100 adamnan aspaıtyn toltyrý kezinde ótkizýge jol beriletinin eske saldy.

«Alaıda Ashyq jobasyna qatyspaıtyn nysandarda is-sharalar ótkizýge tyıym salynady»,- dedi ol.