Almatyda «Ashyq» arqyly «qyzyl» jáne «sary» mártebesi bar 1255 adam anyqtaldy

ALMATY. QazAqparat - Almatyda Ashyq jobasynyń arqasynda «qyzyl» jáne «sary» mártebesi bar 1255 turǵyn anyqtaldy. Mundaı derekti qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda keltirdi, dep habarlaıdy QazAqparat tilshisi.

Onyń aıtýynsha, 17-26 qańtar aralyǵnda «Ashyq» jobasy aıasynda «qyzyl» jáne 25 «sary» mártebesi bar 1255 tulǵa anyqtaldy. Olardyń ishinde: erikti qatysýshylar – 286 «qyzyl» mártebe, 5 «sary» mártebesi bar turǵyn.

Spıkerdiń sózinshe, shekteý sharalaryn jeńildetý maqsatynda bıylǵy jyldyń 27 qańtaryndaǵy №3 Almaty q. BMSD kelesi ózgerister engizildi:

1) «Ashyq» jobasyna qatysatyn obektiler úshin jumys jáne demalys kúnderindegi ýaqyt boıynsha jumys rejımi belgilenbeıdi;

2) epıdemıologııalyq jaǵdaıdy baǵalaý matrıtsasyna sáıkes óńirlerdegi kelýshilerde beıtarap («kók») nemese qaýipsiz («jasyl») mártebesi bolǵan jaǵdaıda «Ashyq» jobasyna qatysatyn obektiler úshin:

– «jasyl» aımaqta-shekteýsiz qyzmet;

– «sary» jáne «qyzyl» aımaqtarda - obektilerdiń tolymdylyǵy boıynsha shekteýleri bar;

3) «Ashyq» jobasyna qatysatyn obektiler úshin qyzmetkerler men kelýshilerde qaýipsiz («jasyl») mártebe bolǵan jaǵdaıda (vaktsınatsııa nemese revaktsınatsııa, teris nátıjesi bar PTsR test synamalardy irikteý sátinen bastap 7 táýlikten asyrmaı, turaqty medıtsınalyq qarsy kórsetilimderi bar, sońǵy 3 aı ishinde aýyryp jazylǵan adamdar) epıdemıologııalyq jaǵdaıdy baǵalaý matrıtsasyna sáıkes epıdemıologııalyq qater aımaǵyna qaramastan – shekteýsiz qyzmet etedi.

«Ata - analardyń ótinishi boıynsha 1-4 synyptar shtattyq formatta oqıdy. Sonymen qatar 660 balaǵa deıingi mektepter dástúrli túrde oqıdy. Al 600 - den astam balaǵa arnalǵan mektepterde oqýshy sany 50 paıyzdan aspaýy tıis»,- dedi Ásel Qalyqova.

KVI naýqastarymen baılanysta bolǵan adamdarǵa qatysty mynadaı shekteýler men ruqsattardy qamtamasyz etý:

- eger ekinshi komponentti alǵannan keıin 6 aıdan aspaǵan bolsa, revaktsınatsııany nemese COVID-19-ǵa qarsy vaktsınatsııanyń tolyq kýrsyn alǵany týraly qujattyq rastaý bolǵan jaǵdaıda úı karantınine oqshaýlanbaıdy;

- 7-shi kúni COVID-19-ǵa PTR ádisimen tekserý júrgiziledi, PTR-zertteýdiń teris nátıjesi kezinde úı karantıni aıaqtalady;

- eger 7-shi kúni COVID-19-ǵa zerthanalyq tekserý júrgizilmese, úı karantıni oqshaýlanǵan sátten bastap 10 táýlik ótkenge deıin jalǵasady.