Almatyda aryq jelileri qar men muzdan tazartylyp jatyr

ALMATY. QazAqparat- Almatyda aýdan ákimdikteriniń merdiger kásiporyndary aryq jelilerin jappaı tazartý jumystaryn bastady, dep habarlaıdy QazAqparat tilshisi.

Almaty ákimdigi taratqan aqparatqa sáıkes, josparlanǵan 1329 shaqyrym aryq jelisiniń 626 shaqyrymy qardan, muzdan, laı men qoqystan tazartyldy. Kún saıyn 82 birlik tehnıka jáne 299 jumysshy jumyldyrylýda. Tazartý jumystary 25-28 aqpanda aıaqtalady.
Qala aýmaǵynda barlyǵy 1525 shaqyrym aryq jelisi bar.
Burynnan belgili, Almaty qalasy boıynsha sý basýdyń negizgi faktory aryq jelisi jańbyr men erigen sý aǵynyna qarsy tura almaıdy, al kollektorlyq-drenaj júıesi múldem joq. Sondaı-aq nóser jelileri de joq, kollektorlar men aryqtar qoqystarmen bitelip qalǵan, kárizge qosylmaǵan.

«Sý tasqynyn joıý maqsatynda qala ákiminiń tapsyrmasy boıynsha ekologııa jáne qorshaǵan orta basqarmasy Almatyda jaýyn-shashyn kezinde únemi sý basyp qalatyn ýchaskelerge taldaý júrgizdi. Nátıjesinde barlyǵy 102 aımaq anyqtaldy, onyń ishinde 56 ýchaskeni sý basyp qalýy múmkin. Sondyqtan apatty qalpyna keltirý jumystaryn dereý júrgizý qajet. 56 ýchaskedegi sý tasqynyn joıý máselelerin sheshý úshin 12 kollektor men 4 arna (rekonstrýktsııalaý jáne salý) qalpyna keltirilýi tıis. Qala boıynsha 2022 jyly apatty qalpyna keltirý jumystary aıasynda 72 ýchaskede jumystar bastaldy. Onyń ishinde búginde 63 ýchaskedegi jumystar aıaqtaldy (89%)»,- delingen ákimdik taratqan habarlamada.
Atalǵan jumystar aıasynda uzyndyǵy 18,7 shaqyrym 12 sý burý kollektory qalpyna keltirildi, jalpy uzyndyǵy 11,2 shaqyrym 8 kanal salyndy jáne 2 kanal jóndeldi.
«Sonymen qatar 7 km aryq jelileri qaıta jańartyldy jáne salyndy, 15 qubyrly ótkel rekonstrýktsııalandy, 1,4 km ózen arnalarynyń jaǵalaýy kúsheıtildi. Jalpy jumystardyń 89%-y oryndaldy. 2022 jyldyń kúzgi kezeńinde júrgizilgen jumystardyń qorytyndysy boıynsha atalǵan ýchaskelerde sý tasqyny tirkelgen joq»,- joq dep atap ótti qalalyq ákimdiktiń baspasóz qyzmetinen.