Almatyda ArtSport tegin úıirmesine qalaı jazylýǵa bolady

ASTANA. QazAqparat – Almaty ákimdigi ArtSport baǵdarlamasyn iske asyrý tetigin jetildirdi. Ol úshin Damubala.kz jańa platformasy ázirlendi, dep habarlaıdy QazAqparat tilshisi.

Bul týraly qala ákimi Erbolat Dosaev elordada ortalyq kommýnıkatsııalar qyzmetinde ótken brıfıngide aıtty.

«Qoǵamda áleýmettik shıelenis týdyrǵan artsport.edu.kz platformasyndaǵy problemalardy eskere otyryp, jańa platformany belgileý úshin konkýrstar ótkizildi. Ashyq konkýrspen jańa www.damubala.kz. platformasy belgilendi. Sabaqqa qatysý ata-analardyń elektrondyq tsıfrlyq qoltańbasy arqyly balalardyń derekterin rastap, QR-kod boıynsha júrgiziledi. Bul «tizimde joq adamdardyń» bolýy jáne sabaqqa qatysýdyń burmalaný faktilerin barynsha joıýǵa múmkindik berdi», - dedi Erbolat Dosaev.

Qala ákiminiń aıtýynsha, engizilgen «1 bala = 1 vaýcher» prıntsıpi balalardy tegin úıirme jáne sektsııamen qamtýdy barynsha arttyrýǵa múmkindik beredi.

2023 jylǵy 5 aıda 65,1 myń vaýcher berilgen.

Sonymen birge, 2023 jyly memlekettik shyǵarmashylyq jáne sporttyq tapsyrystardy qarjylandyrýdy iske asyrýǵa 16,2 mlrd teńge bólingen.

Buǵan deıin ArtSport baǵdarlamasy Almatyda basqa ataýmen júzege asatyny habarlanǵan edi.