Almatyda artqa qaraı júrgen nómirsiz kóliktiń ıelerine aıyppul salyndy

ALMATY. QazAqparat- Almaty joldarynda zańsyzdyqqa jol bergen kólik júrgizýshileri jaýapqa tartyldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, jol qozǵalysy erejesin óreskel buzý derekteri áleýmettik jelilerden belgili bolǵan.

Beınejazbadan Abaı dańǵylymen ketip bara jatqan memlekettik nómiri joq úsh jeńil kóliktiń jol erejesin buzǵanyn kórýge bolady.

Onyń bireýi artqa qaraı júrdi.

«Jergilikti polıtsııa qyzmetkerleri júrgizýshilerdi anyqtap, olardy Qazaqstan Respýblıkasynyń ákimshilik quqyq buzý týraly kodeksiniń birneshe baby boıynsha jaýapqa tartty»,- dep habarlady vedomstvodan.