Almatyda «Ardagerlerge máńgi qurmet» atty merekelik shara ótti

ALMATY. Sáýirdiń 28-i. QazAqparat /Ádilet Musahaev/ - Keshe Almaty qalasyndaǵy Medeý aýdanynyń ákimdigi Uly Otan soǵysy ardagerlerine kóńil bólý maqsatynda «Ardagerlerge máńgi qurmet» atty Uly Jeńistiń 65 jyldyǵyna arnalǵan merekelik is-shara ótkizdi,

dep habarlaıdy QazAqparat.

Elbasynyń Qazaqstan halqyna Joldaýynda kórsetilgen negizgi mindetterdiń biri - qarttarǵa qamqorlyq kórsetý, UOS ardagerlerine kóńil bólý bolyp tabylady.

Atalmysh aýdan ákimi jınalǵan jurtty Uly Jeńistiń 65 jyldyǵymen quttyqtap, surapyl soǵysty basynan keshirgen maıdan ardagerleriniń erligine alǵysyn bildirdi.

«Qazaqstan jeńisti qamtamasyz etýde mańyzdy ról atqardy. Júz myńdaǵan bizdiń jerlesterimiz ordendermen, medaldarmen marapattalyp, bes júz qazaqstandyq Keńes Odaǵy Batyry ataǵyna ıe bolýynyń ózi bizdiń eldiń azamattarynyń ol soǵysta aıanbaı erlik kórsetkenin bildiredi. Sondyqtan biz árqashanda ardagerlerimizge olardyń eren erlikteri men bizge beıbit ómir syılaǵan jeńisteri úshin sheksiz alǵys bildiremiz», deıdi ákim.

Sonymen qatar ol9-mamyrbizdiń jadymyz ben jáne tarıhymyzda jaýyngerlerdiń erligimen baılanysty erekshe kún bolyp qala beretindigin aıtady. «Bul kún - álemdi soǵystan azat etken kún. Barshamyz úshin Jeńis kúni - halyq maqtanyshynyń shyńy, týǵan jeriniń erkindigi men táýelsizdigi úshin birigip kúresken ulttar men ulystardyń merekesi», deıdi M. Beıdalı.

Sondaı-aq jıyn barysynda ardagerlerge «Procter&Gamble» kompanııasynan estelik syılyqtar berilip, sońy kontserttik baǵdarlamamen jalǵasty.