Almatyda ardagerlerge beriletin birjolǵy járdemaqy eki ese ulǵaıdy

ALMATY. QazAqparat - Uly Otan soǵysynyń ardagerleri men olarǵa teńestirilgen tulǵalar Jeńis kúnine oraı tólem aldy, dep habarlaıdy QazAqparat ákimdikke silteme jasap.

Búgin, 6 mamyrda, Almatyda Uly Otan soǵysyndaǵy Jeńistiń 77 jyldyǵyna oraı qalanyń barlyq ardagerleri 1 mln teńge kóleminde birrettik tólem aldy.

Búginde Almatyda 75 ardager turyp jatyr.

Uly Otan soǵysynyń ardagerlerine teńestirilgen 1592 turǵynǵa jáne basqa memleket aýmaǵyndaǵy urys qımyldarynyń 2870 ardagerine 100 myń teńge mólsherinde birrettik materıaldyq kómek kórsetildi.

Jeńis kúnine oraı tólem alýshylar tizimine soǵys kezinde tyldaǵy qajyrly eńbegi úshin ordendermen jáne medaldarmen marapattalǵan 9370 tyl eńbekkeri, sondaı-aq Uly Otan soǵysy ardagerleriniń 455 jesiri kirdi.

Olar úshin birrettik materıaldyq kómek mólsheri - 50 myń teńge.

Jeńis kúnine oraı materıaldyq kómek Almaty qalasynyń ákimdigi bekitken tizimder boıynsha ótinishter talap etilmeı tólendi. Búkil tólemderdi 14 362 adam aldy.

Eske salsaq, bıyl ardagerlerge tólenetin birjolǵy tólemaqy somasy eki ese – 500 myń teńgeden 1 mln teńgege deıin ulǵaıdy.

Osydan soń máslıhat depýtattary Almaty qalasy máslıhatynyń kezekten tys XVIII sessııasynda qala basshysynyń usynysyn qoldady.