Almatyda ár 20 mınýt saıyn qar kúreý jumystary júrgiziledi

ALMATY. QazAqparat - Óńirlik kommýnıkatsııalar qyzmetiniń baspasóz máslıhaty barysynda qala ákiminiń orynbasary Serik Qusaıynov megapolıs kóshelerin qardan tazalaý tehnologııasy týraly aıtyp berdi, dep habarlaıdy QazAqparat tilshisi.

Onyń aıtýynsha, kóshelerdi tazalaý jónindegi bıýdjettik baǵdarlamanyń ákimshisi Almaty qalasynyń aýdandyq ákimdikteri.Olar konkýrstyq negizde kóshe-jol jelisin kútip ustaý jónindegi merdigerlerdi aıqyndaıdy.

«Árbir kóshege bıýdjet qarajatyn bólý onyń sanatyna sáıkes júrý bóliginiń, trotýardyń, jol jıeginiń enine, bólý jolaǵynyń, aryq jelisiniń bolýyna, qoǵamdyq kólik aıaldamalarynyń sanyna baılanysty júrgiziledi», - dedi ol.

Spıkerdiń sózinshe, kóshelerdi qysqy tazalaý boıynsha jumystardy júrgizý tehnologııasyna sáıkes joldardyń júrý bóligin kóktaıǵaqqa qarsy materıaldarmen sebý qar jaýa bastaǵannan keıin 20-40 mınýt ótken soń júzege asyrylady, óıtkeni kóktaıǵaqqa qarsy materıaldyń sińýi úshin jetkilikti qar qalyńdyǵy qajet»,- deıdi Almaty ákiminiń orynbasary.

Qardy sypyrý aýdan ákimdikteri bekitken keste boıynsha, birinshi kezekte negizgi kóshelerden asfaltqa jabyspaıtyn borpyldaq qar massasy paıda bolǵannan keıin júrgiziledi.

Kóktaıǵaqqa qarsy sebý árbir 5 sm jańadan jaýǵan qardan keıin júrgiziledi, sodan keıin qaıtadan qar kúreıdi, sodan keıin ol shyǵarylady.

Atalǵan tehnologııa saqtalmaǵan jaǵdaıda kóshelerde muz paıda bolady.

«Sondyqtan, kóktaıǵaqtyń paıda bolýyna jol bermeý maqsatynda qardyń kóktaıǵaqqa qarsy materıalarmen aralasýyn jáne asfaltqa jabyspaıtyn jáne asfaltqa jabyspaıtyn, jol jıeginen ońaı alynatyn jumsaq qar massasynyń paıda bolýyn kútý qajet», - dep túsindirdi Serik Qusaıynov.