Almatyda apat saldarynan eki aýdannyń turǵyndary sýsyz otyr

ALMATY. QazAqparat- Sýyq sý jelilerindegi apatqa baılanysty Jetysý jáne Túrksib aýdandarynda ornalasqan úı men ǵımarattarǵa sý berý ýaqytsha toqtatyldy, dep habarlaıdy QazAqparat tilshisi.

«Súıinbaı-Rysqulov dańǵyly - Shemıakın-Hmelnıtskıı, Rysqulov dańǵyly - Parkovaıa - Qulynshaq – Báıshev kósheleriniń boıynda ornalasqan ákimshilik ǵımarattar men turǵyn úılerge sý berý ýaqytsha shekteledi. Sýdy 21 sáýir kúni saǵat 23:00-ge deıin berý josparlanǵan»,- dep habarlady qalalyq ákimdikten.

«Almaty sý» MKK apattyq brıgadasy Gertsen kóshesindegi D-500 mm magıstraldy sý qubyryn qalpyna keltirý jumysyn júrgizip jatyr.

Tótenshe jaǵdaıdy joıýǵa 12 tehnıka jumyldyryldy.

Sondaı-aq 21 sáýir saǵat 16:00-den bastap Rysqulov dańǵyly men Gertsen kóshesiniń qıylysy kólikter úshin ýaqytsha jabylady.

Gertsen kóshesi arqyly ótetin magıstraldy sý qubyry 1962 jyly paıdalanýǵa berilip, qalany sýmen qamtamasyz etý maqsatynda 60 jyl jumys istep tozyǵy jetken.

«Almaty qalasynyń qoldanystaǵy jelileri men nysandary eskirgen. Sý qubyry jelileriniń uzyndyǵy 3528 shaqyrym, onyń ishinde 1941,2 km qaıta jóndeý jumystary qajet»,- dep atap ótti ákimdik ókilderi.