Almatyda «Altyn Kúz» bal festıvali ótedi
Qazaqstan halqy Assambleıasy men Medeý aýdany ákimshiliginiń jáne «Bal-Ara» qazaqstan omartashylarynyń ulttyq odaǵynyń uıymdastyrýymen ótetin festıvalge Almaty oblysy, Ońtústik Qazaqstan, Batys Qazaqstan, Soltústik Qazaqstan, Jambyl oblystarynan 40-qa jýyq omartashylar qatysady. Ár óńir óz ónimderin Abdýllın kóshesi men Gogol kóshesiniń qıylysyndaǵy jármeńkede usynatyn bolady.
Uıymdastyrýshylardyń aıtýynsha, atalmysh shara Qazaqstan Táýelsizdiginiń 20 jyldyǵy qarsańynda elimizdiń egemendik alǵan jyldaryndaǵy bal sharýashylyǵynyń jetken jetistikteri men tabystaryn kórsetý men aýylsharýashylyq ónimderin óndirýshilerge qoldaý kórsetý maqsatynda ótkizilmek.
Shara barysynda «Qazaqstan - ortaq úıimiz» atty merekelik kontsert, sán úlgileri kórsetilimi, sondaı-aq, túrli saıystar men oıyndar uıymdastyrylmaq.
Sonymen qatar, festıval aıasynda «Qazaqstan Respýblıkasyndaǵy omartashylyq salasy. Qazirgi jaǵdaıy men damýy» taqyrybynda dóńgelek ústel ótkiziletin bolady.