Almatyda Almaly aýdanyna jańa ákim taǵaıyndaldy

ALMATY. QazAqparat - Almatyda Almaly aýdany ákimi taǵaıyndaldy. Atalǵan laýazymǵa qala əkimi Jasulan Estenovtyń kandıdatýrasyn usyndy. Bul týraly qalalyq máslıhattyń VІ shaqyrylymynyń kezekten tys ІІІ-sessııasynda belgili boldy.

«Sizderdiń nazarlaryńyzǵa Almaly aýdanynyń əkimi retinde Jasulan Toqqojauly Estenovtyń kandıdatýrasyn usynyp otyrmyn. Jasulandy almatylyqtar jaqsy biledi. Qazaq aýylsharýashylyǵy ınstıtýtyn bitirgen. Memlekettik qyzmette uzaq jyldyq təjirıbesi bar. 1999 jyly  salyq komıtetinde qyzmetten bastaǵan. Almaly aýdandyq qarjy bólimin uzaq jyl basqarǵan. Sondaı-aq, Aqmola oblysy əkiminiń orynbasary retinde oblystyń kóriktendirý, bıznesti qoldaý məselelerin sheship kelgen»,- dedi B.Baıbek.

Jıynǵa qatysqan 34 depýtattyń barlyǵy əkim usynǵan úmitkerdi biraýyzdan qoldady.

Aıta ketý kerek, Jasulan Estenov - 45 jasta. QR Prezıdenti Ákimshiliginde istegen. Buǵan deıin Almaly aýdany ákiminiń orybasary qyzmetin atqarǵan.

Eske sala ketsek, osy laýazymda úsh jyl qyzmet atqarǵan aýdannyń burynǵy ákimi Serik Qusaıynov Májilis depýtaty bolyp saılanǵan edi.