Almatyda áleýmettik jelide qarý-jaraqtaryn kórsetken jigitter ustaldy
19:03, 14 Maýsym 2023
ALMATY. QazAqparat - Almaty polıtsııasy áleýmettik jelide qarý-jaraqtaryn kórsetken jigitterdiń ustalǵanyn málim etti, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, 1997, 1998 jáne 1995 jyly týǵan azamattar áleýmettik jelide qarý-jaraqtaryn kórsetken. Alǵashqy bolyp bul áreketke Uıymdasqan qylmysqa qarsy kúres basqarmasynyń qyzmetkerleri áreket etti.
«Kúdiktiler ustaldy. Olardan 16 oq-dárisi bar MP371 tapanshasy tárkilendi. Ustalǵandardyń jeke basy qandaı da bir zańsyz áreketterge qatysy bar-joǵy tekseriletin bolady. Sondaı-aq, olarmen quqyqtyq túsindirý jumystary júrgizildi», - dep habarlady Almaty qalalyq polıtsııa departamentiniń baspasóz qyzmeti.