Almatyda áleýmettik ınklıýzıvti baǵdarlamalar ortalyǵy ashyldy
Biregeı jobanyń basty mindeti - qarapaıym balalar men olardyń ata-analarynan turatyn sotsıýmdy qalyptastyrý.
«Sotsıým týraly aıtqanda, biz mektepti de, erte damý ortalyqtaryn da, bos ýaqytty da, otbasyn da qamtımyz. Biz 2016 jyly «Inklıýzıvti sport» jobasyn ashqan bolatynbyz, keıin ınklıýzıvti sheberhanalar jumys isteı bastady. 2018 jyly ınklıýzıvti bilim berý júıesin iske qostyq. Al 2019 jyly «Dana» jekemenshik mektebine biriktik, - deıdi Áleýmettik ınklıýzıvti baǵdarlamalar ortalyǵynyń» QQ prezıdenti Saltanat Mýrzalınova-ıAkovleva.
Áleýmettik ınklıýzıvti baǵdarlamalar ortalyǵynyń ókilderi 2019-2020 jyldarǵa arnalǵan jobadaǵy balalar sanyn 100-ge deıin arttyrýdy maqsat etedi.
«Qazirdiń ózinde bizdiń jobamyzda 50 bala bar, olardyń arasynda aýtızmge shaldyqqan, nashar estıtin balalar bar. Ortalyqqa qarapaıym jáne erekshe balalardyń ata-analarynan oqýǵa 20-dan astam ótinish kelip tústi. Ata-analardyń belsendilik tanytyp jatqanyna qýanyshtymyz. Alaıda, jasóspirimder arasyndaǵy jaǵdaı ýshyǵyp tur, balalar úıden ketip jatyr, qatygezdiktiń joǵary deńgeıi baıqalady. Sondyqtan da biz ınklıýzııa salasyndaǵy jumysymyzdy empatııa deńgeıin arttyrý quraly retinde jalǵastyrýdy mańyzdy dep sanaımyz, - deıdi Áleýmettik ınklıýzıvti baǵdarlamalar ortalyǵynyń dırektory Almas Baqytjan.
«Malým» qaıyrymdylyq qory Áleýmettik ınklıýzıvti baǵdarlamalar ortalyǵyna aýdany 325 sharshy metr bolatyn jazǵy alańdy birneshe jylǵa tegin paıdalanýǵa berdi.
«Bizge qarapaıym adamdar, bıznes ókilderi kómektesti. Dál osy júzdegen adamnyń kúsh-jigeriniń arqasynda bizdiń balalarda keń jáne jaryq bólme paıda boldy. Árıne, aınaladaǵylardyń bizdiń ortalyǵymyzǵa kómektesýge umtylýy bizdi jańa jetistikter men maqsattarǵa shabyttandyrady, - deıdi Saltanat Mýrzalınova-ıAkovleva.