Almatyda áleýmettik ıdeıalar jármeńkesi ótedi

ALMATY. Naýryzdyń 8-i. QazAqparat /Erbol Azanbek/ - Naýryzdyń 18-19 kúnderi Almatyda «Qoǵamnyń ıntellektýalyn qalyptastyrýshylar: bilim men jańa tehnologııalar» atty áleýmettik ıdeıalar men jobalardyń jármeńkesi ótedi,

dep habarlaıdy QazAqparat.

Sharany QR tuńǵysh Prezıdentiniń qory men Halyqaralyq jańa saıasat ınstıtýty uıymdastyrady. Sharanyń maqsaty - azamattyq qoǵam men onyń ınstıtýttaryn nyǵaıtý, áleýmettik mańyzdy problemalardyń sheshilýine yqpal jasaý, úkimettik emes uıymdardyń áleýetin kórsetý, arttyrý, eń úzdik ıntellektýaldyq jobalardy qoldaý maqsatynda ótkiziledi. Jármeńke «Bilim salasyn ınnovatsııalyq damytý», «Bilim jáne qoǵam», «Mektepke deıingi bilim berý salasyndaǵy ınnovatsııalyq tehnologııalar», «Bilim, ǵylym jáne óndiris», «Erekshe balalardy bilim salasynda qoldaý», «Oqý-ádistemelik bilim ádebıeti», «Bilim-densaýlyq,úılesimdilik» atalymdary boıynsha ótedi.

Jeńimpazdarǵa arnaýly granttar men baǵaly syılyqtar tabys etiledi.