Almatyda álem tarıhynda kólemi jaǵynan ekinshi geroın partııasy joıyldy
Almaty qalasy boıynsha Ekonomıkalyq tergeý departamentiniń qyzmetkerleri arnaıy komıssııanyń qatysýymen jalpy salmaǵy 1,1 tonnadan asatyn geroınniń asa iri partııasyn joıdy.
Esirtkini Komıtet qyzmetkerleri Germanııanyń qylmystyq keden polıtsııasymen birlesip, sondaı-aq Reseı, Belarýs, Lıtva, Polsha jáne Nıderlandy quqyq qorǵaý jáne keden qyzmetteriniń kómegimen ótkizgen halyqaralyq arnaıy operatsııa nátıjesinde tárkilegen.
Osylaısha, 2019 jyldyń qazan aıynda Qazaqstan aýmaǵyna «óńdelgen mármár» degen ataýmen júk ákelindi. Nıderlandyǵa jóneltilgen taýardy tekserý kezinde tergeýshiler geroın bar 2208 brıketti anyqtady. Uıymdasqan qylmystyq top esirtki tranzıtin Irannan Eýropalyq Odaq elderine ótkizýdi josparlaǵan.
Atalaǵan esirtkiniń bir bóligi, Qarjy monıtorıng qyzmetkerleriniń baqylaýymen Germanııaǵa jetkizildi, munda taýardy alý kezinde, Túrkııa eliniń azamattary ustalǵan bolatyn.
Qazirgi ýaqytta atalǵan is boıynsha QR QK-niń 286-babyna sáıkes sotqa deıingi tergeý amaldary júrgizilýde.