Almatyda aldyn ala tólem alyp, jurtty aldaǵan «jıhaz sheberi» ustaldy

ASTANA. QazAqparat - Almaty polıtsııasy alaıaqtyq qylmysynyń tórt deregine qatysy bar kúdiktini ustady, dep habarlaıdy Polisia.kz.

Jıhaz jasaý úshin aldyn ala tólem retinde mıllıondaǵan teńge alyp, jurtty san soqtyrǵan jigit qolǵa tústi.

– Mańǵystaý oblysynyń 37 jastaǵy týmasyna qatysty QR QK-niń 190-baby 3-bóligi 4-tarmaǵy boıynsha qylmystyq is qozǵaldy. Er adam tapsyryspen jıhaz jasaımyn dep azamattardyń senimine kirgen. Klıentterdiń shaqyrýy boıynsha ol ólshem alýǵa barady, «klıentten» mıllıon teńgeden astam aldyn ala tólem alyp, keıin iz jasyrǵan. Jedel is-sharalardyń nátıjesinde kúdikti qolǵa tústi. Tergeýdiń osy kezeńinde D. esimdi azamattyń alaıaqtyqtyń 4 epızody boıynsha kináli ekendigi anyqtaldy. Onyń ústine, tapsyrys berýshiler qalanyń ár aýdanynan bolǵan, – dedi Almaty qalalyq PD Anyqtaý basqarmasynda.

Kúdikti buǵan deıin de zań buzǵan, ol múliktik qylmys jasaǵany úshin jaýapqa tartylǵan. Biraq er adam tıisti qorytyndy jasamaı, qaıtadan qylmys jasaýǵa bel býdy.

Qazir polıtsııa qyzmetkerleri onyń «qyzmetiniń» qosymsha epızodtary bar-joǵyn tekserip jatyr.