Almatyda áldebireýler qara topyraqty zańsyz qazyp alyp jatqanda ustaldy

ALMATY. QazAqparat - Naýryzbaı aýdany Qaraǵaıly shaǵyn aýdanynda qara topyraqty zańsyz óndirý faktisi anyqtaldy, dep habarlaıdy QazAqparat tilshisi.

29 naýryz kúni polıtsııa pýltine jergilikti turǵynnan Qaraǵaıly shaǵyn aýdanynda selden qorǵaıtyn sý aıdynynyń ońtústik-batysynda qara topyraqty zańsyz óndirip jatqandar týraly shaǵym tústi.

Belgili bolǵandaı, jer telimi jeke menshikte.

«Aýdannyń tabıǵat qorǵaý polıtsııasynyń qyzmetkerleri ekologııa bólimimen birlesip quqyq buzýshylardyń aldyn aldy. Bul másele Almaty qalasynyń mamandandyrylǵan tabıǵat qorǵaý, aýdan prokýratýrasynyń jáne ákimdiktiń baqylaýynda. Aýdan ákimdigi osyndaı faktilerdiń aldyn alý, onyń ishinde temirbeton konstrýktsııalaryn, beınebaqylaý júıelerin ornatý jáne taǵy basqalary arqyly kirme joldardy jabý boıynsha barlyq múmkin sharalardy qabyldap jatyr»,- dep habarlady qalalyq ákimdiktiń baspasóz qyzmetinen.

Aıta keteıik, osyndaı áreketke barǵandarǵa QR Ákimshilik kodeksiniń 337-babynyń 1-bóligi boıynsha ákimshilik jaýapkershilik qarastyrylǵan.

Sotqa deıingi tergeý júrip jatyr.