Almatyda ál-Farabı dańǵylynyń ońtústiginde jóndeý jumystary aıaqtaldy

ALMATY. QazAqparat - Almatyda ál-Farabı dańǵylynyń ońtústik jaǵynda jol jóndeý jumystary aıaqtaldy, endi dańǵyldyń soltústik jaǵy ortasha jóndeýden ótedi, dep habarlaıdy QazAqparat tilshisi.

Ákimdiktiń málimetinshe, Toraıǵyrov kóshesinen Dostyq dańǵylyna deıingi dańǵyldyń ońtústik jaǵyna polımerli asfaltbeton tóseý jumystary aıaqtaldy.

Onda qozǵalys ashyq. Nazarbaev jáne Dostyq dańǵyldaryndaǵy burylystar jóndeldi.

Kelesi kezeń – dańǵyldyń soltústik jaǵyndaǵy ortasha jóndeý.

«22 shilde saǵat 23:00-den 24 shilde saǵat 07:00-ge deıin ál-Farabı dańǵylynyń Jarbulaq ózeninen Seıfýllın dańǵylyna deıingi batys baǵytta qozǵalys tolyǵymen jabylady. Jarbulaq ózeninen Markov kóshesi aralyǵynda reversıvti qozǵalys uıymdastyrylady. Jol qozǵalysy qaýipsizdigin patrýldik polıtsııa qyzmetkerleri qamtamasyz etedi. Ál-Farabı dańǵylynyń kólik magıstrali boıynsha jol jóndeý jumystary kestege sáıkes júrgiziledi jáne oqý jyly bastalǵanǵa deıin aıaqtalady», - dep habarlady Almaty ákimdigi.

Ákimdik qala turǵyndaryn kólikpen júrý marshrýtyn aldyn ala josparlap alýdy surady.