Almatyda Aqsaı ózeninde sý deńgeıi kóterilip, qar aralas sý kóshege jaıyldy

ALMATY. QazAqparat - Almatyda Aqsaı ózeniniń arnasynda, Aqjar ózeni saǵasynyń 200 metrden joǵary ýchaskesinde qar aralas sý jınalyp qaldy. Sý deńgeıiniń kóterilýine baılanysty avtojoldy ishinara sý basqan, dep habarlaıdy QazAqparat.

Qazseldenqorǵaý arnaıy tehnıkany qoldana otyryp, jınalǵan qar aralas sýdy tazartý jumysyn júrgizdi.

Qabyldanǵan sharalardyń nátıjesinde sý deńgeıi tómendedi. Joldy basqa sý ketti. Eldi mekenderdi sý basý qaýpi joq. Eshkim zardap shekpegen.

Tótenshe jaǵdaılar mınıstrligi muzdy sý tasqynynyń aldyn alý úshin eskertý jasady:

- Ózen arnasyna jaqyn jerde turmańyz

- Balalardy qaraýsyz qaldyrmańyz

- Ózenderdiń janynda avtoturaq uıymdastyrmańyz

- Ózen arnasy arqyly ótpeńiz.

Foto: t.me/qr_tjm