Almatyda AITV ınfektsııasyn juqtyrý faktisi boıynsha epıdemıologııalyq tekserý aıaqtaldy
«Epıdemıologııalyq tekserý barysynda 745 adam tekserildi. Olardyń ishinde 118 qan donory jáne onyń komponentteri, 231 medıtsına qyzmetkeri, 396 patsıent birlesip statsıonarlyq em qabyldaǵan nemese osy baǵyt boıynsha medıtsınalyq uıymdarǵa júgingen. Barlyq taldaýlardyń nátıjeleri – teris», - dedi Almaty qalasy Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.
Onyń aıtýynsha, epıdemıologııalyq zertteý nátıjesi boıynsha komıssııa músheleri OKQA úsh patsıentiniń juqtyrý faktisi, eń áýeli adamı faktormen, atap aıtqanda, orta medıtsınalyq personaldyń jekelegen qyzmetkerleriniń ınvazıvti manıpýlıatsııalar júrgizý kezinde operatsııalyq rásimder standarttaryn buzýymen jáne olardyń qyzmetine baqylaýdyń bolmaýymen baılanysty degen qorytyndyǵa keldi.
Sanıtarlyq-epıdemıologııalyq qaýipsizdiktiń júıeli buzýshylyqtary anyqtalǵan joq. 2023 jyldyń 6 aıynda qala statsıonarlarynda 147 736 adam medıtsınalyq kómek aldy, onyń ishinde reanımatsııalyq kómek – 14 650 patsıent, medıtsınalyq kómek kórsetý kezinde patsıentterdiń juqtyrý faktileri anyqtalǵan joq.
«Qazir AITV ınfektsııasy anyqtalǵan úsh patsıent JITS ortalyǵyna dıspanserlik esepke qoıyldy. Emdeýdiń jeke shemasy boıynsha antıretrovırýstyq preparattarmen qamtamasyz etildi. Olarǵa jergilikti bıýdjet qarajaty esebinen barlyq qajetti medıtsınalyq jáne psıhologııalyq kómek kórsetiledi», - deıdi ol.
Buǵan deıin Almaty ortalyq aýrýhanasynyń basshysy Narıman Tabynbaev qyzmetinen bosatylǵany týraly jazǵan bolatynbyz.