Almatyda aǵashtardy óńdeýge qoldanylatyn preparattyń adamǵa zııany joq – basqarma

ALMATY. QazAqparat – Almatynyń jasyl jelegin bıologııalyq óńdeý jumysyna paıdalanylatyn preparattyń ózindik ıisi bar, biraq adamdarǵa zııany joq. Bul týraly Jasyl ekonomıka basqarmasynan málim etti, dep habarlaıdy QazAqparat tilshisi.

Basqarma málimetinshe, jasyl jelekti óndeý jumystary túngi ýaqytta júrgiziledi. Naqtyraq aıtsaq saǵat 23:00 - 06:00 aralyǵynda. Sebebi kún sáýlesi dárilik zattyń zııankesterge áserin tómendetedi.

Óńdeýge Qazaqstan aýmaǵynda qoldanýǵa ruqsat etilgen qaýiptiliktiń tómengi sanatyndaǵy bıologııalyq preparat qoldanylady.

Usynylǵan aqparatqa súıensek, preparattyń ózindik ıisi bar. Degenmen qorshaǵan ortaǵa, adamdarǵa, úı janýarlary men ózge de tiri aǵzalarǵa esh zııany joq.

Birinshi kezeń jumystary qala boıynsha bir aı boıy júrgiziledi. Kelesi úsh kezeń maýsym, shilde, tamyz aılarynda ótkiziledi.

«Aýlalar, saıabaqtar men kóshe boıyndaǵy barlyq jasyl jelekti óńdeý josparlanǵan. Osy oraıda qala turǵyndary men qonaqtaryn túsinistik tanytyp, mamandardyń jumysyna kedergi keltirmeýdi suraımyz», - dep habarlady basqarmadan.