Almatyda adasyp ketken balalardy Ulttyq ulan jasaǵy tapty
22:41, 12 Qarasha 2022
ALMATY. QazAqparat - Almatyda adasyp ketken balalardy Ulttyq ulan jasaǵy taýyp, anasyna qaıtardy, dep habarlaıdy QazAqparat tilshisi.
Ulttyq ulannyń baspasóz qyzmetinen habarlaǵandaı, 11 qarasha kúni Almaty qalasynyń Tóle bı kóshesi boıynda qoǵamdyq tártipti saqtaý qyzmetinde júrgen Ulttyq ulan jasaǵynan eki balasynan kóz jazyp qalǵan ana kelip, kómek suraıdy.
«Jasaqtyń jedel is-áreketi arqasynda adasyp qalǵan balalar tabylyp, ata-anasyna tabystaldy. Balalar Almaty ózeni men Maqataev kóshesiniń qılysynan tabyldy. Azamatsha Merýert Janarbaeva ulandyq jaýyngerler men komandırlerine kásibı is-áreketteri, jedel kómekteri úshin úshin alǵysyn bildirdi»,- dep habarlady Ulttyq ulannyń baspasóz qyzmeti.