Almatyda adam saýdasynyń jeti deregi anyqtaldy
Almaty qalasy Krımınaldyq polıtsııa basqarmasy bastyǵynyń orynbasary Rýslan Smaǵulovtyń habarlaýynsha, Almatyda jyl basynan beri adam saýdasyna qatysty jeti qylmystyq quqyq buzýshylyq anyqtaldy.
«Atap aıtqanda, jezókshelikpen aınalysýǵa arnalǵan úıdi uıymdastyrý jáne ustaý boıynsha bes derek, kámeletke tolmaǵan adamdy jezókshelikpen aınalysýǵa tartýdyń bir deregi jáne jańa týǵan sábıdi satýǵa oqtalýdyń bir deregi áshkerelendi. Qazirgi ýaqytta atalǵan epızodtar boıynsha sotqa deıingi tergeý júrýde. Kináliler jasaǵan áreketteri úshin zań aıasynda qatań jaýap beretin bolady», – dedi Rýslan Smaǵulov.
Ol sondaı-aq kez kelgen jan adam saýdasynyń qurbanyna aınalýy múmkin ekenin atap ótti.
«Tájirıbe kámeletke tolmaǵan jasóspirimder men sábılerdiń de qorǵalmaǵanyn kórsetedi. Osy oraıda adam saýdasymen kúreste qoǵamdyq jáne úkimettik emes uıymdardyń róli de mańyzdy», – dedi ol.
Foto: polisia.kz