Almatyda Abaıdyń poezııasy men mýzykasyna arnalǵan kesh ótti
Saltanatty keshke qala ákimi Baqytjan Saǵyntaev, zııaly qaýym ókilderi, mádenıet qaıratkerleri qatysty.
Uıymdastyrýshylardyń aıtýynsha, esse-keshtiń maqsaty — Abaıdyń mol murasyn nasıhattaýǵa erekshe reń berý. Osy oraıda poezııa men mýzyka keshinde oıshyldyń ilimi jańa sıpatta asqaqtatyldy.
Aıta ketý kerek, kórermenge Abaıdyń Abaı bolyp qalyptasý, damý kezeńderi kórsetildi. «Álem esigi» prologynan bastaý alǵan is-shara jyl mezgilderine arnalǵan óleńdermen, al balalardyń bıi kúıdiń súıemeldeýimen oryndaldy.
Sondaı-aq, aqyndyq-mýzykalyq, horeografııalyq qoıylymdar, sonyń ishinde Abaıdyń mahabbat lırıkasy, tabıǵat sulýlyǵyna arnalǵan qoıylymdary usynyldy. Buǵan deıin tek dombyrada oryndalyp kelgen «Segiz aıaq» ánin Nurjan Janpeıisov, Erlan Rysqalı jáne Tilek Bazarov estrada-sımfonııalyq orkestriniń súıemeldeýimen shyrqady.
Keshke kelgen kórermen Abaıdyń «Kózimniń qarasy» ánin oryndap, aqynnyń óleńderin jatqa aıtty.