Almatyda Abaı kúni qalaı toılandy

ALMATY. QazAqparat – Almatyda Abaı Qunanbaevtyń 178 jyldyǵyna oraı birqatar is-shara ótti, dep habarlaıdy QazAqparat tilshisi.

Almatyda qazaqtyń kemeńger aqyny jáne uly oıshyly Abaı Qunanbaevtyń 178 jyldyǵy qurmetine oraı onyń eskertkishine gúl shoqtaryn qoıý rásimi ótti. Іs-sharaǵa Qazaqstan Jazýshylar odaǵynyń tóraǵasy Mereke Qulkenov, Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, memlekettik qoǵam qaıratkeri Nurlan Orazalın, Almaty qalasy máslıhatynyń depýtattary, aqyn-jazýshylar jáne t. b. qatysty.

«Búgin elimiz úshin erekshe meıram – uly aqyn Abaı Qunanbaevtyń týǵan kúni. Abaı Qunanbaevtyń tulǵasy qazaq halqynyń ǵana emes, búkil álemniń ómirinde mańyzdy oryn alady. Abaı Jıdebaıda dúnıege kelgen. Alaıda ár qazaq «Abaı – bizdiń aqynymyz» dep maqtan tutady», - dep atap ótti óz sózinde Jazýshylar odaǵy basqarmasynyń tóraǵasy Mereke Qulkenov.

Abaı eskertkishiniń aldynda sondaı-aq oqýshylar men jastar Abaı Qunanbaevtyń tanymal shyǵarmalarynan úzindiler oqydy. Qazaqtyń uly aqyny men aǵartýshysynyń shyǵarmalaryn súıetinder úshin Ortalyq qalalyq kitaphanada «Uly Abaı halyq júreginde» atty dóńgelek ústel ótti. Osydan soń «Alataý» dástúrli kórkem teatrynda «Abaı murasy – qazaq qazynasy» atty ádebı-mýzykalyq qoıylym kórsetildi.

Eske salaıyq, Abaı kúni – QR Úkimetiniń 2020 jylǵy 4 tamyzdaǵy qaýlysyna sáıkes Qazaqstanda merekelik kún bolyp atap ótiledi.