Almatyda Abaı kúni qalaı atalyp ótedi

ALMATY. QazAqparat – Almatyda Abaı kúnine oraı qandaı is-sharalar ótetini belgili boldy, dep habarlaıdy QazAqparat tilshisi.

Almaty qalasynyń mádenıet basqarmasy habarlaǵandaı, 10 tamyz «Abaı kúnin» merekeleý aıasynda kelesi is-sharalar ótedi:

10:00-de Abaı alańynda (Dostyq jáne Abaı dańǵyldarynyń qıylysy) Abaı Qunanbaevtyń eskertkishine gúl shoqtary qoıylady

11:00-de ortalyq qalalyq kitaphanada (Gogol kóshesi, 109) Qazaqstan halqy Assambleıasy men Analar keńesi birlesip «Uly Abaı halyq júreginde» atty dóńgelek ústel ótkizedi

12:00-de «Alataý» dástúrli óner teatrynda (Nurkent shaǵyn aýdany, 6) «Abaı murasy - qazaq qazynasy» ádebı-mýzykalyq qoıylymy ótedi.

«Іs-sharaǵa ǵylym jáne shyǵarmashylyq adamdary, zııaly qaýym ókilderi, Qazaqstan halqy Assambleıasynyń Analar keńesiniń ókilderi, qazaqstandyq kıno jáne teatr akteri, QR Eńbek sińirgen qaıratkeri Bolat Ábdilmanov qatysady», - delinedi habarlamada.

Eske salsaq, tanymal ánshi Dımash Qudaıbergen qazaqtyń uly aqyny Abaı Qunanbaıulynyń týǵan kúni qarsańynda tyń chellendj bastady.

Sondaı-aq, Abaı oblysynda HHIV respýblıkalyq Abaı oqýlary bastalǵanyn habarlaǵanbyz.