Almatyda Abaı dańǵylynyń uzartylýy kólik ótkizý qabiletin 30% jaqsartty
Almaty qalalyq PD ákimshilik polıtsııa basqarmasynyń bastyǵy Nurlan Amanbek bir apta buryn qalada eki jol qoldanysqa berilgenin aıtty.
«Birinshi aralyq taldaý júrgizildi, onyń nátıjesi boıynsha kólik ótkizý qabiletin Abaı dańǵylynyń sozylǵany - 30 paıyzǵa, al Rysqulov dańǵyly men Emtsov kósheleriniń qıylysynda kólik jolaıryǵyn salý jáne iske qosý - 25 paıyzǵa jaqsartty. Aıtpaqshy, atalǵan jolaıyryq qaqtyǵys núkteleriniń sanyn azaıtýǵa jáne ótkizý qabiletin arttyrýǵa múmkindik berdi, bul ekologııalyq jaǵdaıǵa jáne jalpy jol qaýipsizdigine jaqsy áser etti. Al, Abaı dańǵyly Momyshuly kóshesinen qala shekarasyna deıin, batys baǵytta sozylǵannan keıin Saın jáne Momyshuly kósheleriniń qıylysyndaǵy baǵdarshamdardyń jumys rejımin rettedik. Bul Shalıapın, Jandosov jáne Raıymbek dańǵylyndaǵy kólik júktemesin aıtarlyqtaı azaıtýǵa múmkindik berdi», – deıdi Nurlan Amanbek.
Spıkerdiń sózinshe, qazirgi ýaqytta Almatyda Seıfýllın dańǵyly men Jansúgirov kóshesiniń qıylysynda, Buqtyrma jáne Qulja tasjolynyń qıylysynda jolaıryq qurylysy, sondaı-aq Saın kóshesin uzartý, Móńke bı kóshesimen qıylysynda jolaıryq salý jumysy júrip jatyr.