Almatyda Abaı dańǵylyn uzartý ýchaskesinde kólik qozǵalysy ashyldy

ALMATY.QazAqparat - Táýelsizdik kúni qarsańynda megapolıs ákimi Baqytjan Saǵyntaev Abaı dańǵylynyń ótpeli qozǵalys ashylǵan ýchaskesin aralap kórdi, dep habarlaıdy QazAqparat tilshisi.

Abaı dańǵylynyń boıymen B. Momyshuly kóshesinen Alataý kóshesine deıin uzyndyǵy 3,5 shaqyrym ýchaskeniń qurylysy aıaqtalyp qaldy. Eki baǵyt boıynsha kólik qozǵalysy úshin úsh jolaq qarastyrylǵan.

Áshimov kóshesiniń ústinen 400 metrlik estakada salyndy, onyń qozǵalysyn osy aıdyń sońyna deıin ashý josparda. Bul ýchaskede baǵdarshammen retteletin ýaqytsha qozǵalys syzbasy uıymdastyrylǵan.

Abaı dańǵylyn uzartý jobasyn iske asyrý barysynda Qarǵaly ózeninde kópir salyndy. Abaı dańǵylyn qalanyń batys shekarasyna deıin uzartý kóliktiń kedergisiz ótýine múmkindik berdi.

Buǵan deıin Rysqulov dańǵyly men Emtsov kóshesiniń qıylysyndaǵy jolaıryǵy ashylǵan bolatyn.

Megapolıs ákimi Baqytjan Saǵyntaev qurylysshylarǵa alǵys aıtyp, olardy aldaǵy Táýelsizdik kúnimen quttyqtady. Jumysshylar qysqa merzimde kúrdeli jobalardy aıaqtady, sonyń arqasynda kólik ınfraqurylymy jaqsaryp, qala turǵyndarynyń mobıldiligi artady.

Qala ákimi salynyp jatqan B. Momyshuly metro stantsııasyn aralap kórdi, onda árleý jumystary aıaqtalyp, jabdyqtardy iske qosý-jóndeý jumystary júrgizilýde.

Jyl sońyna deıin B. Momyshuly jáne Saryarqa stantsııalaryn tehnıkalyq iske qosý josparlanýda.