Almatyda 9 myńnan asa túlek UBT tapsyrady
Almaty qalasy ákiminiń orynbasary Erjan Babaqumarov pen qalanyń bas sanıtar dárigeri Jandarbek Bekshın, qalalyq bilim basqarmasynyń basshysy Lázzat Jylqybaeva orta mektep dırektorlarymen onlaın kezdesý ótkizdi.
Onlaın jınalysqa 205 memlekettik, 61 jekemenshik mektep dırektory qatysty.
«UBT Almatyda 20 maýsym – 5 shilde aralyǵynda ótedi. Testileýdi 190 memlekettik mektep, 49 jekemenshik mekteptiń 9 047 oqýshysy tapsyrady. Testileý burynǵy formatta ótedi. Biraq sanıtarlyq-epıdemıologııalyq talaptar kúsheıtiledi», - dedi ákimdiktiń baspasóz qyzmetinen.
Odan bólek qala ákimdigi QR bala quqyqtary jónindegi ýákil Arýjan Saınmen birige otyryp, balalardy mektepten tys bilimmen qamtý maqsatynda «Jol kartasyn» ázirlep jatyr.
Almatyda 1 maýsymnan bastap 1-synypqa qabyldaý bastalady. 15 mamyrdan bastap daryndy balalarǵa arnalǵan gımnazııa, lıtseılerge bala qabyldaıdy.
Erjan Babaqumarov bilim basqarmasyna sanıtarlyq normalardyń saqtalǵanyn baqylaý úshin monıtorıng toptaryn qurýdy tapsyrdy.
«Balalardyń qaýipsizdigi úshin derbes jaýapkershilik mektep basshylarynyń moınynda bolmaq», - dedi E.Babaqumarov.