Almatyda 800 myń adam jumysyna qaıta kiristi

ALMATY. QazAqparat – Almatyda 800 myń adam qalypty jumysyna oraldy. Bul týraly Almaty qalasy Kásipkerlik jáne ınvestıtsııalar basqarmasynyń basshysy Erkebulan Orazalın brıfıng barysynda aıtty, dep habarlaıdy QazAqparat tilshisi.

«Jalpy, Almatyda karantınge deıin 940 myńǵa jýyq adam jumys isteıtin. Onyń ishinde 600 myńǵa jýyq adam shaǵyn jáne orta kásipkerlikte eńbekpen qamtylǵan. Karantın kezinde jumys oryndary qysqardy. Al 240 myńǵa jýyq kásipker karantın kezinde de jumysyn toqtatqan joq. Búginde kóp salalar ashylyp jatyr. Adamdar jumystaryna qaıta kiristi. Saýda ortalyqtary men bazarlar aýdıtten ótken soń, qaıta ashyldy. Búgingi tańda qalada 800 myńǵa jýyq adam karantınnen keıin jumystaryna oraldy», - dedi Erkebulan Orazalın.

Buǵan deıin, ol baraholka barlyq sanıtarlyq talaptardy saqtasa jabylmaıtynyn aıtqan bolatyn.