Almatyda 7 oqýshy 130 baldan joǵary jınady

ALMATY. QazAqparat - Almatyda alty kúnge sozylǵan UBT nátıjesinde 7 oqýshy 130-dan joǵary bal jınady. Bul týraly qalalyq Bilim berý basqarmasy basshysynyń orynbasary Qaırat Jumanov aıtty, dep habarlaıdy QazAqparat tilshisi.

«Almatyda 7 oqýshy 130 baldan joǵary upaı jınaǵan»,- dedi Q.Jumanov.

Onyń aıtýynsha, qazir test tapsyrǵandar arasynda tyıym salynǵan zatty alyp ótkenderdi tekserip jatyr.

25 tamyzǵa deıin aýdıtorııalardyń vıdeojazbasy tekseriledi. Eger túlekterdiń ereje buzǵany anyqtalsa, UBT nátıjesi men granty teriske shyǵarylady.

«Kez kelgen elektrondy buıymdar:baılanys quraldary, baspa materıaldaryn alyp kirýge tyıym salynǵan. Eger túlekter osyndaı zatty qoldanǵany anyqtalsa akt toltyrylyp, ol bıyl testileýge kirmeıdi. 6 kúnde Almatyda 101 túlek akademııalyq erejelerdi buzǵan», - dedi ol.

Almatyda 21-26 maýsym aralyǵynda sanıtarlyq talaptardyń buzylýy tirkelmedi.