Almatyda 67 myń adam 42500 teńgege ótinish bildirgen

ALMATY. QazAqparat – Almatyda 67 myń turǵyn 42500 kólemindegi áleýmettik kómekke ótinish bildirgen. Bul týraly búgin onlaın brıfıng barysynda qalalyq Áleýmettik ál-aýqat basqarmasynyń basshysy Rahat Shımasheva aıtty, dep habarlaıdy QazAqparat tilshisi.

Onyń aıtýynsha, basqarmanyń jedel jelisine 11 myńnan asa saýal túsken. Olardyń 4420 –sy múmkindigi shekteýli adamdardan, 1390 kópbalaly analardan, 3324 zeınetkerlerden kelgen.

«Suraqtardyń 40-50 paıyzy azyq-túlik sebetine qatysty bolsa, qalǵany 42500 teńgeni alýǵa qatysty saýal bolǵan. Barlyǵy 67 000 adamnan ótinish túsken. Eger azamattardyń saýalyna jaýap bolmasa qaıtadan habarlasýyn suraımyz. Bul másele bizde kúnde qaralyp jatyr. Ákimdiktiń baqylaýynda», - dedi Rahat Shımaeshva.

Basqarma basshysy 6000 astam turǵyn 42500 teńge kóleminde áleýmettik kómek alǵanyn jetkizdi.