Almatyda 6650 turǵyn 42500 teńge kóleminde memlekettik áleýmettik kómek aldy
12:32, 04 Sáýir 2020
ALMATY. QazAqparat – Almatyda tótenshe jaǵdaıdyń saldarynan tabysynan aırylǵan 6650 adam 42500 teńge kóleminde memlekettik áleýmettik kómek aldy, dep habarlaıdy QazAqparat tilshisi.
Qalalyq ákimdik taratqan aqparatqa sáıkes, bul járdemaqyny alý úshin búginde Almaty qalasynda kásiporyndardan 2247 ótinish kelip túsken. Bul kásiporyndarda 7306 adam jumys isteıdi. Olardyń 6650-ine 1 eń tómengi jalaqy mólsherinde memlekettik áleýmettik saqtandyrý qorynan – 42500 teńge kóleminde memlekettik áleýmettik kómek bólý týraly sheshim qabyldandy», - dedi baspasóz qyzmetinen.