Almatyda 647 túlek «Altyn belgige» úmitker

ALMATY. QazAqparat – Bıyl Almatyda 647 túlek «Altyn belgi» alýy múmkin. Bul týraly onlaın brıfıng barysynda qalalyq bilim basqarmasy basshysynyń orynbasary Qaırat Jumanov aıtty, dep habarlaıdy QazAqparat tilshisi.

«Altyn belgige» úmitkerler qorytyndy attestattaýda 4 emtıhan tapsyrýy kerek. Nátıjesi boıynsha «Altyn belgi» ıegerleri anyqtalady, - dedi Almaty qalalyq bilim basqarmasy basshysynyń orynbasary Qaırat Jumanov.

Sonymen qatar, ol sońǵy qońyraý qalaı ótetinin aıtty.

«Bıyl Almaty qalalyq bilim basqarmasy sońǵy qońyraýdy onlaın rejıminde uıymdastyrýǵa keńes beredi. Eger ata-analar qalasa jáne mektepter daıyn bolsa, barlyq karantındik sharalardy saqtap bir synyp, bir syzyq qaǵıdaty boıynsha ótkizýge bolady», - dedi ol.

Eske salaıyq, Almatyda UBT tapsyrý 6 mamyr kúni bastaldy.

Bıyl Almatyda mektepti 11 myńnan astam túlek bitiredi.