Almatyda 6 myńnan asa kásipker shot faktýra jazý múmkindiginen qaǵylady

ALMATY. Qazaqparat - Almaty qalalyq Memlekettik kirister departamenti salyq kodeksindegi ózgeristerge baılanysty shot faktýra jazý múmkindiginen qaǵylýy múmkin, dep habarlaıdy QazAqparat tilshisi.

Salyq zańnamasyna engizilgen ózgertýge baılanysty, 2019 jyldyń 1 qańtarynan barlyq qosylǵan qun salyǵyn tóleıtin kásipkerlerdiń barlyǵy shot faktýralardy elektrondy túrde tapsyrýy kerek bolatyn.

Departamenttiń taratqan məlimetterine səıkes, Almatyda 25 myń QQS tóleýshiniń 19 myńy ǵana «Elektrondy shot faktýra» júıesinde tirkelgen.

«6 myń kásipker júıege tirkelýge asyǵystyq tanytpaı otyr. Jyl sońyna deıin 45 jumys kúni qaldy. Tirkelý barynsha jeńildetilgen. Salyq tóleýshiler salyq organdaryna kelmeı-aq onlaın túrde tirkele alady. Eger bul rásim jasalmasa, onda olar shot faktýra jazý múmkindiginen aıyrylady», -  dedi qalalyq MKD baspasóz qyzmetinen.

Eske sala ketsek, Almaty qalasynyń Medeý aýdanyndaǵy Memlekettik kirister basqarmasy aýdandaǵy «jelilik» bızneske salyqtyq tirkeýge turýǵa 10 kún merzim bergen bolatyn. 
«On kún ishinde quqyqbuzýshylyqtardy ózdigimen sheshpegen jaǵdaıda jelilik kompanııa ókilderine qatysty salyqtyq tekserýler júrgiziledi», - dep eskertti salyq organy.