Almatyda 6 kásiporyn men 4 ónerkásiptik park iske qosylady

ALMATY. QazAqparat - Almaty ındýstrııalyq aımaǵynda 2022 jyly toǵyz kásiporyn men tórt ónerkásiptik park iske qosylady. Bul týraly onlaın brıfıng barysynda qalalyq kásipkerlik jáne ınvestıtsııalar basqarmasynyń basshysy Berik Soltanbaev aıtty, dep habarlaıdy QazAqparat tilshisi.

«Almaty ındýstrııalyq aımaǵynda jyl sońyna deıin iske qosýdy josparlap otyrǵan kásiporyndar tiziminde: «Qaz-Dıa-Test» farmatsevtıkalyq zaýyty, VALTHERM radıatorlaryn, City Stone tastan jasalǵan buıymdaryn, Teplostil termopanelderin, Stroy Production gazobetondy bloktaryn jáne «ElektroBar» elektr tehnıkalyq buıymdaryn óndirý zaýyty bar», - deıdi spıker.

Budan bólek, jalpy óndiristik alańy shamamen 16 myń sharshy metr bolatyn 4 ónerkásiptik parkti ashý kózdelgen. Onda jeńil, tamaq ónerkásibi jáne metall óńdeý salasyndaǵy 24 kompanııa ornalastyrylatyn bolady.

Berik Soltanbaev Almatyda farmatsevtıka jáne aspap jasaý salasy belsendi damyp kele jatqanyn atap ótti.