Almatyda 6 qarý-jaraq dúkeni tonaldy

NUR-SULTAN. QazAqparat – Almaty qalasynda buzaqylar 6 qarý-jaraq dúkenin tonap ketti, dep habarlaıdy QazAqparat «Habar 24» telearnasyna silteme jasap.

«Basynda 10 adam keldi, biz olarmen sóılestik, bári maska men kaska kıip jaraqtanyp alǵan. Sol sııaqty olar oq ótpeıtin kıimde boldy. Sodan soń taǵy 60 adam keldi, 20 mashına bizdi qorshap aldy. Dúkendegi qarý-jaraqtyń bárin alyp ketti. Biraq, oq-dárilerge tıisken joq», - dedi Almatydaǵy qarý-jaraq dúkeniniń kúzetshisi Vadım Belenkov.

Onyń aıtýynsha, dúkenderge ańshylyqqa qajetti qarý-jaraqtar satylǵan. Jáne naqty qansha qarý-jaraqtyń qoldy bolǵany ázirge belgisiz.

Buǵan deıin Ulttyq qaýipsizdik komıteti Qazaqstan aýmaǵynda terrorıstik qaýiptiń «shekti qyzyl» deńgeıi engizilgeni týraly habarlaǵan edi.

«QR Prezıdentiniń kelisimimen UQK Tóraǵasy – Respýblıkalyq jedel shtab basshysynyń buıryǵyna sáıkes Qazaqstan Respýblıkasy aýmaǵynda terrorıstik qaýiptiń «shekti qyzyl» deńgeıi engizildi. Eldiń barlyq óńirinde antıterrorlyq operatsııa rejımi ornatyldy», - delingen habarlamada.