Almatyda 5G jelisi synaqtan ótkizilip jatyr

ALMATY. QazAqparat - 5G jelisi Almatyda qazir belgili bir aımaqtarda ǵana qoljetimdi. Bul týraly brıfıng barysynda qalalyq Tsıfrlandyrý basqarmasynyń basshysy Baıan Qońyrbaev aıtty, dep habarlaıdy QazAqparat tilshisi.

Basqarma basshysynyń sózinshe, memleket testileýge arnalǵan jıilik dıapazonyn ulǵaıtýǵa múmkindik bergen. Al ary qaraı jeli ustaıtyn aýmaqty keńeıtý uıaly baılanys operatorlarynyń qolynda. «Eger tutynýshyǵa trafık kólemin odan ári arttyrý qajet bolsa, ol baılanys operatorlaryna júginedi. Búgingi kúni biz Smart Point, Medeý, Shymbulaq, Kóktóbe, «Káýsar» bıznes ortalyǵy jáne halyq kóp jınalatyn taǵy eki núktede 5G jelisin synaqtan ótkizdik», - dedi ol. Ol sondaı-aq 5G densaýlyqqa zııan dep sanaıtyn turǵyndarǵa júgindi «Shyn máninde, biz engizip jatqan jańa tehnologııalar barlyq talapqa saı. Mindetti túrde sanıtarlyq-epıdemıologııalyq normalarǵa sáıkes bolýyn qadaǵalaımyz», - dep qosty ol.