Almatyda 5G jelisi pılottyq rejımde iske qosylyp jatyr

ALMATY. QazAqparat- Almatyda 3 operator pılottyq rejımde 5G jelisin qosty. Bul týraly qalalyq tsıfrlandyrý basqarmasynyń basshysy Baıan Qońyrbaev brıfıng barysynda málim etti, dep habarlaıdy QazAqparat tilshisi.

Spıkerdiń sózinshe, 5G jelisin elimizde qyzmet kórsetetin 3 operator adamdar kóp jınalatyn jerge ornatty.

«Qazir Kóktóbe, Shymbulaq, Medeý, Kaýsar-Plaza jáne Smart-Poınt núktesinde pılottyq rejımde 5G jeli iske qosyldy. Tehnologııanyń óte jyldam damýyna baılanysty biz osy 5G jelisine basymdyq berip otyrmyz. Óıtkeni ol az ýaqyttyń ishinde anaǵurlym kóp maǵlumatty bere alady. Sonymen qatar, bul jeli keshki ýaqytta telefonnan serıal kórýge, jaqyndarymyzben vıdeo arqyly sóılesýge múmkindik beredi»,- dedi Baıan Qońyrbaev.

Sonymen qatar, ol 5G jelisin qosýda qalaǵa eshqandaı shyǵyn kelmeıtinin atap ótti. Ony operatorlar ózderi ornatyp jatyr.