Almatyda 57 myńnan astam adam jumysqa ornalasty

ALMATY. QazAqparat – Almatyda jyl basynan beri memlekettik baǵdarlama aıasynda 57 myńnan astam jumys orny ashyldy, onyń 40 myńnan astamy turaqty, al qalǵandary ýaqytsha. Bul týraly baspasóz máslıhaty barysynda qalalyq Jumyspen qamtý jáne áleýmettik baǵdarlamalar basqarmasynyń basshysy Nazıra Toǵyzbaeva málim etti, habarlaıdy QazAqparat tilshisi.

Spıker qala turǵyndary men qonaqtary jumys tabý úshin jumyspen qamtý ortalyǵyna júgine alatynyn atap ótti.

«Sondaı-aq biz toqsan saıyn bos jumys oryndary jármeńkesin ótkizemiz. Bıyl 8 jármeńke uıymdastyrldy, sonyń ishinde múmkindigi shekteýli jandar úshin bólek ótkizildi. Tolyǵyraq aıtar bolsaq, turaqty jumys oryndary negizinen qurylys, bilim berý, kóterme jáne bólshek saýda salalarynda bolsa, ýaqytsha jumys oryndary – qoǵamdyq jáne áleýmettik jumys oryndary, jastar tájirıbesi. ıAǵnı, bizde san alýan baǵyt bar. Jumyssyzdarǵa barynsha kómek kórsetýge daıynbyz. Barlyq suraqtar boıynsha jumyspen qamtý ortalyǵyna habarlasýǵa bolady», - dedi Názıra Toǵyzbaeva.

Aıtýynsha, jyl basynan beri megapolıste 57 myńnan astam adam jumysqa ornalasty. Onyń 40 myńnan astamy turaqty jumys tapsa, qalǵandary ýaqytsha.

Almaty qalasy ákiminiń orynbasary Ásem Núsipova qalada jumyspen qamtý jáne ornalastyrý 94 paıyz ekenin atap ótti.

«Desek te qalada jastar arasynda áli de jumyssyzdyq bar. Bul másele erekshe baqylaýda»,- dedi ol.