Almatyda 5 adamdy atyp óltirgen Igor Dýjnovtyń úıin polıtseıler qorshady

ALMATY. QazAqparat - Almatyda birneshe adamǵa oq atqan Igor Dýjnovtyń áıeliniń úıin polıtseıler qorshaýǵa aldy, dep habarlaıdy QazAqparat tilshisi.

Qalalyq polıtsııa departamenti «102» pýltine jeke sot oryndaýshysynan Aqbulaq yqshamaýdanyndaǵy Syzdyqov kóshesindegi úılerdiń birinen baspanany májbúrlep shyǵarý kezinde atys qarýynyń tabylǵany týraly qońyraý túskenin habarlady.
«Qazir oqıǵa ornynda Alataý aýdandyq polıtsııa basqarmasynyń jedel-tergeý toby jumys istep jatyr», - dep habarlady Almaty qalalyq ІІD baspasóz qyzmeti.

Eske salaıyq, 2021 jyly 20 qyrkúıek kúni Almatyda jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi — 1967 jyly týǵan azamat oq atty. Qyzmet barysynda bes adam, onyń ishinde eki polıtsııa qyzmetkeri oqtan jaraqat alyp, kóz jumdy.
Qaza tapqan polıtseılerdiń biriniń artynda – 5, ekinshisinde 2 bala qaldy.
Byltyr sot Igor Dýjnovty ómir boıyna bas bostandyǵynan aıyrdy.