Almatyda 47 jastaǵy áıel jeti jasar ógeı qyzyn uryp óltirdi degen kúdikke ilindi

ALMATY. QazAqparat - Almatyda ógeı anasy jas qyzdy ólgenshe soǵyp tastaǵan. Saldarynan qyz bala oqıǵa ornynda jan tapsyrdy. Bul týraly jýrnalıst Mıhaıl Kozachkov óziniń Telegram arnasynda jazdy, dep habarlaıdy QazAqparat tilshisi.

Jýrnalıstiń habarlaýynsha, qyzdyń ólimine kúdikti - 47 jastaǵy qoǵam belsendisi Baljan Turlybek.

Qaza tapqan búldirshin odan shamamen 15 jas kishi joldasynyń (aýla sypyrýshy) birinshi nekesinen týǵan qyzy bolǵan.

Almaty qalalyq polıtsııa departamenti Bostandyq aýdandyq polıtsııa basqarmasy qylmystyq is QR QK 99-baby 3-bóligimen tergelip jatqanyn habarlady.

«Kúdikti – 1976 jyly týǵan T. esimdi azamatsha ustalyp, qamaýǵa alyndy. Tergeý jalǵasyp jatyr», - dep habarlady qalalyq polıtsııa departamentiniń daspasóz qyzmeti.

Eske salaıyq, keshe Túrkistan oblysynyń Saryaǵash aýdanynda 5 jasar qyz bala azaptalyp óltirilgen edi.

Qaıǵyly oqıǵa týraly Memleket basshysyna málimet berilgen bolatyn