Almatyda 44 myńnan astam jasóspirim koronavırýsqa qarsy egildi

ALMATY. QazAqparat – Almatyda bir táýlik ishinde 553 adam koronavırýsqa qarsy ekpe aldy. Onyń ishinde 1-komponentin 204 adam, 2-komponentin 349 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy 28 naýryz aralyǵynda qalada 1 155 525 turǵyn vaktsınanyń birinshi komponentin, 1 124 171 adam ekinshi komponentin saldyrǵan. Onyń ishinde jasy 60-tan asqan adamdardyń sany 125 067», - delingen habarlamada.

Búgingi tańda Pfizer vaktsınasymen barlyǵy 61 431 adam egildi. Onyń ishinde 3 481 júkti áıel, 13 539 bala emizetin ana jáne 44 141 jasóspirim bar. Revaktsınatsııadan qalanyń 299 960 turǵyny ótti.

«Qazir qalada medıtsına mekemelerinde 136 vaktsınatsııa pýnkti jumys isteıdi. 175 vaktsınatsııa brıgadasynda 555 medıtsına qyzmetkeri jumyldyryldy» - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.