Almatyda 44 kópbalaly otbasy turǵyn úı sertıfıkatyn aldy

ALMATY. QazAqparat - Almaty ákimdigi 44 kópbalaly otbasyǵa jeńildikpen turǵyn úı alýǵa múmkindik beretin 1 mln teńgelik sertıfıkat tabys etti, dep habarlaıdy QazAqparat tilshisi.

«Baqytty otbasy» baǵdarlamasyna sáıkes, bul qarajat alǵashqy salymdy tóleýge baǵyttalady.

Atalǵan otbasylardyń kópshiligi «Úsh suńqar», «Atlas», «Merkýr-grad», «Radýjnyı bereg», «Adıet» TK tańdady. Baspana týraly kelisimshart jasalǵan soń bul otbasylar jańa úılerine kóshetin bolady.

Qalalyq áleýmettik ál-aýqat basqarmasynyń habarlaýynsha, qarjy salymshylardyń banktegi shottaryna aýdaryldy.

Aıta ketsek, baqytty-otbasy.kz portalynda 1,5 myń ótinim túsken. Olardyń 345-i bankke qujat tapsyryp, 301 ótinim maquldandy. «Bakytty otbasy» aıasynda otbasylarǵa jylyna 2% mólshermen páter beriledi.