Almatyda 43 jyl buryn salynǵan velotrek modernızatsııalandy

ALMATY. QazAqparat – Almaty qalasynyń ortalyq mádenıet jáne demalys saıabaǵynda osydan 43 jyl buryn salynǵan velotrek jańartylyp, qoldanysqa berildi. Bul týraly qala ákimdiginen málim etti, dep habarlaıdy QazAqparat tilshisi.

Іs-sharaǵa Almaty basshysy Erbolat Dosaev, Qazaqstan velosıped sporty federatsııasynyń prezıdenti Nurlan Smaǵulov, sport qoǵamdastyǵynyń ókilderi qatysty.

Velotrek Qazaqstan velosıped sporty federatsııasynyń senimdi basqarýyna berilgennen keıin sport kesheni demeýshilik qarjy esebinen modernızatsııalandy.

Erbolat Dosaev velotrek belsendi ómirdi qalaıtyndar úshin tartylys ortalyǵyna aınalatynyn jáne dál osy jerde qalanyń jas sportshylary óz talantyn asha alatynyn atap ótti.

Keshende velosporttyń 4 túrin damytýǵa jaǵdaı jasalǵan, olar – maýntınbaık, VMH (trıýk túri), tasjol jáne trekter, sonymen qatar qaladaǵy eń úlken skeıtpark.

Velotrekti bir mezgilde 100-ge jýyq velosıpedshi paıdalanady. Keshen aýmaǵynda endi trıatletter, júgirýshiler, paýerlıfterler, skeıterler jáne taǵy basqalary jattyǵa alady.

Foto: t.me/almaty_akimat