Almatyda 41 jastaǵy kelinshekten jarty keli gashısh tárkilendi

ALMATY. QazAqparat- Almatylyq áıelden jarty keli gashısh tárkilendi, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, «Aqbulaq» shaǵyn aýdanynda 41 jastaǵy áıel ustaldy.

«Esirtki quraldarynyń asa iri kólemde saqtalýy týraly jedel aqparat kelip túsken kezde jedel jáne arnaıy is-sharalar kesheni júrgizildi. Kúdiktiniń turǵylyqty jerinde ruqsat etilgen tintý júrgizý nátıjesinde birneshe býma esirtki zattary tabyldy jáne tárkilendi. Sot-hımııalyq saraptamasy áıeldiń jarty keli gashıshty satpaqshy bolǵanyn anyqtady», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.

Atalǵan derek boıynsha Alataý aýdandyq polıtsııa basqarmasy QR QK-nyń 296-baby 4-bóliginde kórsetilgen qylmys boıynsha tergeý júrgizip jatyr.

Kúdikti qamaýǵa alyndy.