Almatyda 41 myńnan astam jasóspirim koronavırýsqa qarsy egildi

ALMATY. QazAqparat – Almatyda bir táýlik ishinde 552 adam koronavırýsqa qarsy ekpe aldy. Onyń ishinde І komponentin 178 adam, ІІ komponentin 374 adam saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«Ótken jyldyń 1 aqpany men bıylǵy jyldyń 8 naýryzy aralyǵynda qalada 1 147 412 turǵyn vaktsınanyń birinshi komponentin, 1 106 573 adam ekinshi komponentin saldyrǵan. Onyń ishinde jasy 60-tan asqan qarttardyń sany 125 041 adamdy quraıdy», - delingen habarlamada.

Búgingi tańda Pfizer vaktsınasyn 57 498 adam saldyrdy. Onyń ishinde 3 289 júkti áıel, 12 586 bala emizetin ana jáne 41 533 jasóspirim bar.

267 866 qala turǵyny revaktsınatsııadan ótti.

«Búgingi tańda qalada medıtsına mekemelerinde 137 vaktsınatsııa pýnkti jumys isteıdi. 175 vaktsınatsııa brıgadasynda 555 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.