Almatyda 41 kópqabatty úıdiń qurylysy ne sebepti toqtap qalǵany belgili boldy

ALMATY. QazAqparat - Almatyda Túrksib aýdany turǵyndarymen kezdesý kezinde Erbolat Dosaev «Qaırat» shaǵynaýdanyndaǵy 41 turǵyn úıdiń qurylysy ne sebepti toqtatylǵanyn túsindirdi, dep habarlaıdy QazAqparat tilshisi.

Qala ákiminiń aıtýynsha, buǵan deıin ákimdik 3 myń páterge eseptelgen 41 turǵyn úıdiń qurylysy bıylǵy jyldyń sońyna deıin aıaqtalatynyn habarlaǵan.

Alaıda, 4 merdiger - Sapa Qurylys, EC Energy, Shah jáne Gas Energy merzimdi sozýyna baılanysty ınjenerlik jelilerdi júrgizý, aýla aýmaqtary men kirme joldardy abattandyrý jumysy aıaqtalmaǵan.

«Meniń sheshimim boıynsha tehnologııalyq talaptardy saqtaý úshin bul jumys qys mezgilinde toqtatyldy. ıAǵnı, jańa qurylys maýsymy bastalǵan kezde qurylys jalǵasyn tabady. Osyǵan baılanysty, turǵyndar joǵaryda atalǵan úılerge 2023 jyldyń mamyr aıynda kiredi. Osy kezde 1500 oryndyq mektep paıdalanýǵa beriledi jáne qoǵamdyq kólik marshrýttary iske qosylady», - dedi Erbolat Dosaev.