Almatyda 40 myńǵa jýyq jasóspirim Pfizer vaktsınasyn saldyrdy

ALMATY. QazAqparat - 28 aqpandaǵy jaǵdaı boıynsha Almatyda bir táýlikte 867 adam vaktsınalandy. Onyń ishinde 1-shi komponentpen 374 adam, 2-shi komponetpen 493 adam KVI-ǵa qarsy egildi. Bul týraly Almaty qalalyq qoǵamdyq densaýlyq basqarmasynda málim etti, dep habarlaıdy QazAqparat tilshisi.

Ótken jyldyń aqpan aıy men bıylǵy 27 aqpan aralyǵynda qala boıynsha 1 142 188 adam 1-komponentpen, 1 096 444 adam 2-komponentpen egildi.

Onyń ishinde jasy 60-tan asqan jandardyń sany 124 974 adamdy quraıdy.

Qazirgi tańda Pfizer vaktsınasymen 55 103 adam, onyń ishinde 3 063 júkti áıel, 12 124 bala emizetin analar jáne 39 884 jasóspirim egildi.

248 177 qala turǵyny revaktsınatsııadan ótti.

«Búgingi tańda qalada medıtsınalyq uıymdarda 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkerleri jumyldyryldy» - dep habarlady Almaty qalalyq qoǵamdyq densaýlyq basqarmasynda.