Almatyda 4 bazar súriledi
Túrksib aýdanynda ornalasqan Almaty-1, Seıfýllın dańǵylyndaǵy Aqbulaq, Altaı bazary, vokzal mańyndaǵy Kerýen bazary súrilip, qaıta salynatyn bolady.
«Bazarlardy modernızatsııalaý boıynsha jobalar daıyn. Eń úlkeni – M.Sholohov kóshesiniń boıyndaǵy Almaty-1, bazary. Onda jobaǵa saı jańa bazar salynady. Búginde ınvestorlar qurylys-montajdaý jumystarynyń jobasyn daıyndaýda. Bazardyń bir bóligin buza bastadyq. Qurylys jumystary eki jylǵa sozylýy múmkin. Sondyqtan ondaǵy saýdagerler ýaqytsha basqa bazarlarda saýda jasaıtyn bolady», - deıdi Túrksib aýdanynyń ákimi Pavel Kýlagın baspasóz máslıhatynda.
Onyń aıtýynsha, qazirgi ýaqytta kásipkerler qyzmeti men saýdany damytý úshin barlyq jaǵdaı jasalýda.
«Qazir aýdanda 10 bazar jumys istep tur. (Úmit, Bahar, Arman, Altaı, Sapar, Kerýen, Aqbulaq, Mehrenısa, Jetisý, jáne Túrksib jármeńkesi). Alty bazar modernızatsııadan ótti. Osy jyldyń aıaǵynda «Altaı» jáne «Kerýen» bazarlary qaıta qalpyna keltiriledi. Ondaǵy ınvestıtsııa kólemi 90 mln teńgeni qurady, sonymen qatar «Aqbulaq» jáne «Almaty-1» bazarlaryn jańartý 2020 jylǵa josparlanǵan», - dep tolyqtyrdy P.Kýlagın.